رھبر معظم سندین استفتاءن ہند کأشر ترجمہ
س 1.کیا تقلید چھا فقط اکھ عقلی مسٔلہ کنہ اتھ پیٹھ چھ شرعى دلیلہ تہ؟
ج. تقلید پیٹھ چھ شرعى دلیلہ تہ عقل تہ چھ حکم کران احکامن نشہ ناواقف شخصس پزی مجتهد جامع الشرایطس کن رجوع کرن.
سوال 2. جناب عالى سندی نظر منز چھا احتیاطس پیٹھ عمل کرنی بهتر کنہ تقلید کرنی؟
جواب. چونکہ احتیاطس پیٹھ عمل کرنک لازمہ چھ تمکین مواردن ہنز پور پور پہچان آسنی بیہ یہ زانن کتھ پاٹھی کرو احتیاط بیہ چھ اتھ منز واریاہ وقت صرف گژھان، بهتر چھ یہ کہ مکلّف(صاحب تکلیف) کری احکام دینن منز مجتهد جامع الشرایط سنز تقلید.
سوال 3.فقیہن ہندس فتواہس منز کوتاہ دائرکار چھ احتیاطک احکام دینس منز ؟ کیا گزشت فقیهن ہنزن رأین ہنز رعایت کرنی تہ چھا لازمی؟
جواب. احتیاط کین مواردن نشہ چھ مراد یہ ز تمام فقہی احتمالاتن ہنز رعایت کرنی؛ تتھ پاٹھی ز مکلّف گژھ مطمئن کہ تمی کر پننس وظیفس پیٹھ عمل.
سوال 4. میانی کور واتہ جلدی سن بلوغس تہ تمس چھ پننی خأطر مرجع تقلید انتخاب کرن، مگر تقلیدک مسلہ چھ تسند خأطر سمجھنی دشوار، میہ کیا ذمہ داری چھ تمس نسبت؟
جواب. اگر سو ہیکہ نہ تنهایى پنن وظیفہ شرعى اتھ بارس منز تشخیص دیتھ، چون وظیفہ چھ تمس راہنمایى کرنی.
سوال 5. فقهین منز چھ مشہور کہ احکامن ہندین موضوعن ہنز تشخیص چھ مکلفس پانس پیٹھ تہ مجتھد سند وظیفہ چھ حکمک تشخیص، مگر امہ باوجود چھ مجتهدین واریاہن موردن منز، احکامن ہندین موضوعن ہندس تشخیصس منز اظهار نظر کران، کیا موضوع کس تشخیصس پیٹھ چھا مجتهد سنز نظر پاروی واجب؟
جواب. موضوعک تشخیص چھ موکول مکلفس پننہ نظر پیٹھ، تہ مجتهد سنز پاروی تسندس موضوع تشخیص دنس منز چھنہ واجب مگر یہ ز تمسندس تشخیصس پیٹھ گژھس اطمینان یا تمیکہ تشخیصک لازمہ آسہ استنباط
(استنباط گو:اجتهاد کیو منابعو منز ژھانڈتھ ثابت کرن)
سوال 6. کیا تم دینی مسائل (احکام) یم پانس بکار چھ یوان یس تم زانہ نشہ غفلت،سہل انگاری کری سُہ چھا گوناہ گار ؟
جواب. اگر مسائل ہند نہ ہیچھن واجبک ترک گژھنک یا حرامک انجام سپدنک باعث بنی تیلہ چھ گوناہ گار.
سوال 7. گاهى چھ دینی مسائلن متعلق کم واقف افرادن پرژھنہ یوان تہند مرجع تقلید کس چھ؟ تم چھ ونان اسہ چھنہ پئے یا چھ ونان فلان مجتھد سنز تقلید چھ کران یلیہ زنہ وچھان چھ عملا چھنہ تم تمس مجتھد سند رسالہ پرانِی نہ چھ تسندس فتواہس پیٹھ عمل کران، یتھین لوکن ہنز عملہ متعلق کیا حکم چھ؟
جواب. اگر تہند اعمال احتیاط مطابق یا واقع مطابق یا تس مجتھد سنز نظر مطابق آسہ یَس سنز تقلید کرنی تمن ذمہ آس تیلہ چھ تمیک حکم صحیح
