حضرت زہرا سلام اللہ علیہا چھہ بابہ سند رحلت پتہ مسجد نبویس اندر اکھ خطبہ دیوان یمک مقصد استحقاق تہ حق طلبی اوس ،تہ کیازہ یس باغ فدک آنحضرتن تمن بحکم خدا بخشمت اوس سہ آو آنحضرت سندہ رحلت پتے غصب کرنہ۔ یلہ نہ حضرت زہرا سندس فریادس داد رسی گیہ ، تمو نیو تشریف مسجد نبویس اندر تہ کرکھ باغ فدکچ حقیقت لوکن پیٹھ عیان تہ روشن۔ یہ خطبہ چھہ شیعہ کتابن منز درج آسنس سیت سیت اھلسنت کتابن منز تہ درج، اتھ خطبس چھہ بعضی کتابن منز خطبہ لمہ تہ آمت ناو دنہ۔
حقیقت فدک:
یمہ ساعتہ رسول اللہ حیات آسی فدک اوس تمہ وقتہ اکھ گام یُس خیبرس نزدیک واقع اوس،یلہ خیبر س پیٹھ مسلمانو قبضہ کُر ،امہ گامکیو لوکو کر خیبرک حال وچِھتھ، گامُک نصفہ حصہ پیغمبر اکرمس بخشنس پیٹھ اتفاق، یدوے پانہ روزنہ پننین مزرعنہ منز ساکن، چونکہ امہ خاطر پیو نہ مسلمانن کاہنہ تہ تگدو کرُن لہذا یہ زمین «فدک»سپنی بحکم قرآن رسول خدایہ سنز ملکیت۔آنحضرت آس امہ زمین ہنزہ آمدنی سیت بنی ہاشمن اندر نادار افراد پالان۔ تمہ پتہ بخش آنحضرتن یہ زمین «فدک» بحکم خدا پننِہ خانہ ماجِہ حضرت زہرا سلام اللہ علیہاس۔ بعض مفسرین چھہ لیکھان زِ یلہ یہ آیت:
وَآتِ ذَا القُربیٰ حَقہ
اے نبی پننین قرابتدارن دِییُو پنُن حق
نازل سپن پیغمبر ن صلی اللہ علیہ وآلہ وسلمن بخش حضرت زہرا سلام اللہ علیہاس پنن حق تہ فرمان حق تعالی اُنوکھ بجا۔
غصبیت فدک:
پیغمبر اکرم سندہ یمہ دنیاہ رحلت کرنہ پتہ ، آو حضرت ابوبکر سقیفہ بنی ساعدکہ وساطت مسلمانن ہند خلیفہ انتخاب کرنہ ،یہ کرسی سنبھالتھی دیوت جناب ابوبکرن باغ فدک تصرف کرنک حکم، حضرت زہرااتھہ حکمس خلاف احتجاج کران تہ فرماوان چھہ: بہ چھس دخت رسول ،بہ چھس پننس بابس تتھی پاٹھی وارث یتھ پاٹھ پرتھ کوراہ پننس مال سند میراث نیوان چھہ۔ جناب ابوبکر چھہ در جواب ونان: مہ چھہ پیامبرس نشہ بوزمت ز تمو فرموو اسی انبیاء چھنہ پانس پتھ کنہ میراث تراوان، یہ کینژھا روزان چھہ سہ چھہ صدقہ آسان۔حضرت زہرا سلام اللہ علیھاس گو یہ کتھ بوزتھ سٹھا تعجب تہ فرمووکھ ز پیغمبرن (ص) کتہ آسہ یژھ کتھ فرماومژ،یلہ کہ زنہ بہ چھس تمہ سنز وارث مہ چھنہ امچ کاہنہ تہ خبراہ!حضرت علی اوس تہندہ کھوتہ پیغمبرس(ص)سٹھا نزدیک تمن تہ چھنہ امہ کتھ ہنز خبر!یہ بنیو سبب ز حضرت زہران سلام اللہ علیھان کر سٹھا مقاومت تہ ایستادگی خلیفس مقابل، تہ مسجد اندر کرکھ انصارن تہ مہاجرن درمیان اکھ خطبہ ارشاد۔ تہ احادیثو تہ قرآنی آیاتو سیت کرکھ جناب ابوبکر سند یہ ادعا رد۔
مسجد اندر شکایت پیش کرنہ:
جاری۔۔۔
