ولید بن عتبہ بن ابی سفیانن رٹہ معاویہ سندہ مرنہ پت مدینیچہ گورنری، امام حسین علیہ السلام تہ عبد اللہ بن زبیرس دیون ناد تہ تمن دپن یزیدس کریو بیعت ، [1] امامن یہ تعبیر کریتھ زء ژوری ژوری بیعت چھنہ جان کینہ ننہ وان کرو بیعت متعلق کتھ باتھ[2] یمہ نیرنہ پتہ چھہ مروانس (یس کہ زنہ وری وادن چھہ آسان مدینک گورنر رودمت ) تہ ولیدس درمیان اکھ دلچسپ گفتگو پانہ وانی گژھان:
ولیدس کنہ خطاب کرتھ چھہ ونان : یمہ زء تراو تھک ژء یلے! خدای سند قسم ہکہ ہکھ نہ ژء ونہ یمہ لبتھ کینہہ ولید چھس در جواب ونان : واو پیہ نے ، ژء چھکھاہ مہ مشورہ دوان زء بہ مارن حسین علیہ السلام ؟؟!! بلا شبہ یس حسینس قتل کرہ ، تمہ سند اعمالن ہند پاتر چھہ قیامژ دوہ سیٹھاہ سبک،
مروان چھہ ٹھٹھہ کریتھ ولیدس ونان : اگر یہ وجہ چھہ یہندی یلہ تراونک تلہ کرتھ جان[3]
عبد اللہ بن زبیر چھہ پننس بایس جعفرس سیت امے شب مدینہ ترک کریتھ مکس کنہ پنھان پاٹھین ہجرت کران ، تہ ولید چھہ یمن ژھانڈنہ خاطر کینہہ سپاہی سوزان، اما تمہ چھہ ژلنس منز کامیاب گژھان۔ [4]
بیہ دوہ صبحائے چھہ امام حسین علیہ السلام مراونس سٹھاہ تند گفتگو کران یلہ کہ زنہ تمن مروان چھہ ونان :
توہی کریو یزید سنز بیعت یہ چھہ تہندی دین ودنیا خاطر بہتر امام عالیمقام چھس خطاب کران:
«إِنَّا للهِ وَ إِنَّا إِلَیْهِ راجِعُونَ، وَ عَلَى الْإِسْلَامِ السَّلَام إذْ بُلِیت الإسلام بِرَاعٍ مِثْلِ یَزِید»؛
امام علیہ السلام چھہ بیہ مروانس خطاب کریتھ فرماوان:
پیغمبر صلی اللہ علیہ وآلہ وسلمس نشہ چھوم بوزمت یہ ز حکومت چھہ آل ابی سفیانس (یعنی ابو سفیان سندین درن ) پیٹھ حرام مروان چھہ بیہ گستاخی کرتھ ونان توہی کریو یزید سنز بیعت ذلیل و خوار گژھتامام عالی مقام چھس فرماوان اے مروان یتتھ گژھ دفاہ ، اے پلید انسانہ ! اسی چھہ اہل بیت طاہرینو منز![5]
امے دوہ چھہ یوان حکومتک مامور امامس بیعت ہینہ، امام چھک در جواب فرماوان پگاہ صبحس کرو اسی تہ توہی فیصلہ کیاہ چھہ کرن، [6]
امام حسین علیہ السلام تمے شب تقریبا ماہ رجبکی زء دوہ ونی باقی ، [7] امامن کر مکس کن ننی وان ہجرت تہ یس مدینہ پیٹھ مکہ کن اصلی وتھ آس گژھان تمے وتہ دراے امام درحالیکہ ابن زبیر درایو ژورہ ژھپہ ، تہ امامن آس پنین اھلبیت پانس سیت تلمت [8]
امام چھہ مدینہ منزہ نیرنہ وزہ سورہ قصص آیت نمبر 21 تلاوت کران، [9] یہ چھہ سی کلام یس حضرت موسی علیہ السلامن پننہ شہرہ منزہ نیرنہ وزہ پرمت ،
آیہ ہند مفھوم چھہ یہ : سہ دراو پننی شہرہ منز اتھ حالس منز کہ خوف و ہراس اوس تمس پیٹھ طاری ، عرض کرن ، پروردگارا ! مہ دیہ یمہ ظالم قومہ نش نجات
