جناب عباس علیہ السلام سٹھا خوبرو تہ حسین ، یس اکھا یمن کُنہ نظر اوس کران یہندجمال اوس تمنہ پانس کنہ محو کران۔ یمہ ٲسۍ بنی ہاشمنہ اندر ژوداہمۍ زوٗنِہ ہندۍ پاٹھۍ تابان ، یہندس جدس جناب عبد مناف علیہ السلامس اوس آمت ماہ مکہ﴿یعنی مکک ژنٛدر﴾ لقب دنہٕ ، تہ پیغمبر اکرم سندس وٲلد گرامی جناب عبداللہ علیہ السلامس اوس آمُت ماہ حرم لقب دنہٕ۔جناب عباس علیہ السلام تہ ٲسۍ خوبرو آسنکۍ لحاظ لقب قمر بنی ہاشمہ سیتھ معروف، اگر اسۍ تاریخس منز جناب عباس علیہ السلام سنٛدس شکل و شمٲیلس متعلق تحقیق کرو یلبنہ چھہ وان زِ:
کان العباس رجلا وسیما جسیما جمیلا ، ویرکب الفرس المطھم و رجلاہ تخطان فی الارض
جناب عباس علیہ السلام ٲسۍ ، تندرست ، تنومند تہ خوبرو ، ہرگاہ مرکبس سوار گژھہ ہنہ پائے مبارک ٲسۍ زمینس سیت لگان۔یہند تنومند و طاقتور تہ شجاع آسن چھہ یمہ ۔ امہ علاوہ چھہ تاریخس منز یوان لبنہ ز ِجناب عباس علیہ السلامن اوس ورزش سیت سٮ۪ٹھا لگاؤ ، معروف چھہ زِ ، امام علی علیہ السلام ٲسۍ یمن بچپنسی دوران ، کُشتی ، شمشیر زنی تیراندازی تہ اسب رانی ہٮ۪چھناوان۔ امہ علاوہ ٲسۍ جناب عباس بچپنس منز اکھہ Game گندان یتھ عربیس منٛز ، [مداحی ] چھہ ونان تہ فارسیس منز چھوس [ چوگان] ناو، یہ چھہ ہاکی کھیلۍ ہنٛدۍ پٲٹھۍ ، یتھہ منز زء فریق کوشش چھہ کران اکھ بال لگاونہ لوری ہندی ذریعہ اکس دوبس اندر، امہ قسمچو ورزشو سیتھ چھہ ہکان اکھ بچہ تنومند بنتھ۔
روحانی تہ اخلاقی خصوصیات:
شجاعت:
مروی چھہ کہ اکہ دوہ آس امام علی علیہ السلام مسجد اندر تشریف فرما تہ لوکن سیت آس ہمکلام ، اکھ اعرابی یعنی گامک گریوس تہ پانس سیت اوسن اکھ صندوقچہ انمت ، ، ژاو مسجد اندر سلام کرن تہ عرض کرن اے میانہ مولا مہ چھہ توہی خاطر اکھہ ہدیہ انمت صندوقس مژروکھ تہ اکھہ براق تہ پرو ماران تہ یہ منفرد تلوار کرن پیش مولا سندس خدمتس منز ، اتھی اثناس منز گئے جناب عباس علیہ السلام مسجد منز داخل تہ سلام کرتھی بیٹھی ادبہ سان اکس کونجس اندر ، اما تلواری ہنزی چمکی نیو یہوند دل، امام علی علیہ السلامس گئے متوجہ ز جناب عباس علیہ السلامس آئے یہ تلوار سٹھا پسند، سوال کرن جناب عباسس ، میانی گبرہ ، ژ چھی شوق یہ تلوار رٹنس ، جناب عباسن کر اقرار کران عرض آ میانِہ بابہ جان!
امام علیہ السلام وتھی پانے تہ کرکھ یہ شمشیر جناب عباس علیہ السلامس حمل۔
یلہ امامن اتھ تندرست تہ تنومند جسمس یہ شمشیر نال تراو ، امامن کر گریہ ، مسجد منز یمہ حاضر یہ منظر مشاہدہ کران اس تمو کر عرض اے مولا توہی کیازہ چھو گریہ کران، امامن فرمو: دوہ ھا چھوس مشاہدہ کران ، کہ عباس کرہ یہے شمشیر ہیتھ کرہ دشمنس پیٹھ زبردست حملہ تہ ٲخر کار گژھہ شہید۔
علم و بصیرت :
جناب عباس علیہ السلام چھہ حکمت تہ دانائی ہندس میدان اندر اکھ سٹھا برجست شخصیت ، تہ یہند علم و ادراک چھہ سٹھا تھود ، امہ علم وحکمتک آگر چھہ پانہ باب العلم علی ابن ابیطالب علیہ السلام ۔
یتھ کنہ کہ یہندس علم و حکمتس متعلق چھہ آمت اقوال نقل کرنہ ۔
1۔ وقد کان من فقہاء اولاد الائمہ ۔
کہ جناب عباس علیہ السلام آس ، امامزادن اندر فقاہتکس درجس پیٹھ فائز۔
2۔ ان العباس بن علی زق العلم زقا۔
زِ جناب عباسن علیہ السلام چھہ علمکۍ آگرہ پیٹھ علم دامہ دامہ چومت۔ اتھ کلامس اندر چھہ اکھ کلمہ [زق] استعمال گومت ، عرب چھہ یہ کلمہ کوترس خاطر استعمال کران ، کہ یلہ سہ پھل چھہ کھوان تہ پننین بچن خاطر ہ پھل نوان چھہ سہ چھہ تتھ تتھہ کنہ تیار کران کہ تمہ بچہ ہیکن سہ پھل کھیتھ ، تہ تمن ہیکہ سہ شرُپتھ۔گویا جناب عباسن تہ چھہ یتھی کنہ پننس استادس نشہ علم رُٹمت۔
یلہ جناب عباس علیہ السلام پانژ وہر اوس ، اکہ دوہ اوس پننس بابہ جانہ سندس زانوئے مبارکس پیٹھ بہتھ، تہ امام آس تمن گرند ہچھہ ناوان، امامن فرموو نکھ ، گبراہ پرہ سا اکھ ، جناب عباسن پر اکھ، تمہ پتہ فرموو نکھ پرس سا زء ، جناب عباس سند جواب اوس گنتی ہندیو مفاہیمو کھوت تہ وہرایاہ تھود، تہ عرض کرن:
إِنِّی أَسْتَحیِی أنْ أَقُولَ اثْنَینِ بِاللِّسَانِ الَّذِی قُلتُ بِهِ وَاحِدٌ
بابہ جانہ بہ چھوس مندہ چھان یمہ زبانہ میہ پروردگار سندی وحدانیتک اقرار کر، تہ سہ اکھ مونم تہ بہ ونہ زء ، مولا چھہ پننی اتھہ جناب عباس سندس سر مبارکس پیٹھ تھاوان تہ فش دوان تہ تمہ سنزن چشمان مبارک بوسہ دوان۔
امام صادق علیہ السلام چھہ جناب عباس علیہ السلام سنزی بصیرت یتھ کنہ بیان کران
کانَ عَمُّنا العَبَّاسُ (ع) نافِذَ البَصیرَه ۔ سون چچہ بابہ اوس سٹھا سرنی نگاہ تہ بصیرت تھاوان۔
