گوٛڈ کتھ

شروع چھوس کران تس خدایہ سندہ ناۅہ سٍتھ یُس سٮ۪ٹھاہ رحم کرو ئن تہ رحیم چھہ، سٲری حمد شوبن تس خدایس یئمہ اسۍ قران تہ اہلبیت پاکن علیہم السلامن ہُند  دامان رٹہ نک تہ تمن نِش علم دین حاصل کرنک تہ تہندس دروازس پٮ۪ٹھ ٹھرنک توفیق دیوت۔تہ ارشاد کرون ، سوال کٕرو اہل ذِکرن تمٮ۪ک ینہ توہۍ زانؤ۔ بیہ فرماون قرانک تاویل زانۍ نہ مگر خدا تہ بیہ تِمہ یہُند علم محکم چھوتِم گٮ۪ے تمے ٮ۪من کن خطاب سپُن تہ یہندس گھرس منز نازل سپون تہ یۅت جبرئیل امین ٮ۪وان رود۔ دروررحمت  ٲسن تس پیغمبراکرمس صلی اللہ علیہ وآلہ وسلم ئیم پانس پتھ کُن زہ گۅبۍ چیز قران تہ اہلبیت ترٲو تہ ارشاد کرُن" ہرگاہ توہۍ ٮ۪من دۅن چیزن تھپ کٕرو زاہ تہ گژھٮ۪و نہ گمراہ۔ " تِہ کیازہ یمہ چھہ نوح علیہ السلام سنزہ ناوٕہ ہندۍ پٲٹھۍ۔یُس اتھ سوار سپد تئم لۅب نجات یئم ٲمہ نش پُوت ہٮ۪وت سُہ گو غرق تہ ہلاک۔ بیہ ٲسنۍ درود تہ سلام ٮ۪من اہلبیت پاکن  ٮ۪مہ معنی قران تہ قران ناطق چھہ یعنی کتھٕ کروُن قران ، تٕہ کیازہ کتاب چھہ صٲمتۍ یعنی ژھۅپہ کرٮ۪ٖتھ امٮ۪چ زٮ۪و چھہ آنحضرتس صلی اللہ علیہ وآلہ وسلم پتہ ٮ۪مے حضرات یہندۍ کھاترہ ارشاد  ِآؤ "لا یمسہ الا المطہرون" اتھہ ہٮ۪کن نٕہ مس کرٮ۪تھ مگر یمہ پاک کرنہ آمتۍ چھہ یعنی امیوک بیان تہ تنزیل تہ تاویل ہٮ۪کن تمے باوٕتھ یہندٮ۪س شانس منز آیہ تطہیر نازل سپنۍ تمہ گئے آل عبا تہ ائمہ اطہار  یم سندہ علمکۍ حوالہ دار تہ قیامتس تام شریعتکۍ رٲچھہ در چھہ یہند خاتم چھو زندہ تہ غٲٮ۪ب ، سو چھہ سانٮ۪ن احوالن پیٹھ با خبر تہ اسۍ چھہ وچھان۔